00:15 18.11.2010 | Все новости раздела "Белорусская социал-демократическая партия (Грамада)"
КАНДЫДАТАЎ БУДУЦЬ ЛАВІЦЬ ЗА РУКІ?
Пакуль Цэнтральная выбарчая камісія праводзіць рэгістрацыю кандыдатаў, раённыя камісіі, адміністрацыі гарадоў прымаюць рашэнні аб месцах правядзення пікетаў і месцаў для сустрэчаў кандыдатаў, давераных асобаў з выбаршчыкамі.
Брэст не стаў выключэннем. У горадзе над Бугам адміністрацыя прапанавала праводзіць пікеты на ускраінах горада ці ў парках, якія амаль з'яўляюцца часткаю ляснога масіва. Першы намеснік старшыні Беларускай сацыял-дэмакратычнай партыі "Грамада" Ігар Маслоўскі, паведаміў нашаму радыё, што ёсць пункт у палажэнні аб зборы і агітацыі, які проста нельга ўспрымаць:
- Цікава гучыць у пастанове Маскоўскага і Ленінскага раёнаў наступны пункт: прыняць усе неабходныя захады для перасцярогі сустрэчаў кандыдатаў у Прэзідэнты РБ і іх давераных асобаў з выбаршчыкамі ў месцах не прапісаных дадзеным рашэннем. Гэта, як на мяне, здаецца такі архаізм. Як гэта так? Скажам, прыехаў кандыдат у прэзідэнты ў горад, ён не можа прайсці па Савецкай, паціснуць рукі людзям? Міліцыя хіба яго кожны раз будзе лавіць?
Прапанаваныя ўладаю месцы для правядзення сустрэчаў з выбаршчыкамі знаходзяцца ў далёкіх ад цэнтра зонах, перш за ўсё, на думку актывістаў гэта будзе не зручна грамадзянам, якія павінны атрымоўваць рознабаковую інфармацыю.Радыё Рацыя
Обсудить новость на Форуме