23:15 16.08.2013 | Все новости раздела "Белорусская социал-демократическая партия (Грамада)"

Кіраўніцтва дзіцячага садка не хвалююць праблемы шматдзетнай маці

Шматдзетная маці ў Берасці не можа ўладкаваць сваё дзіця ў дзіцячы садок. Ганна Кандрашук звярнулася па дапамогу да прадстаўнікоў Беларускай сацыял-дэмакратычнай партыі (Грамады). Разам з імі была складзена скарга да старшыні Адміністрацыі Маскоўскага раёна.

Ганна Кандрашук распавяла, што не можа вадзіць дзіця ў садок у іншым мікрараёне ў сувязі з працаю, але кіраўніцтва дзіцячага садка №59 на саступкі не пайшло:

- У мяне вялікая праблема, маю чатырох дзяцей. Трое дзяцей, што ходзяць у школу, не могуць вадзіць малодшае дзіця ў садок, бо старэйшаму 12 гадоў, а трэцяму – 7. Мне не хочуць ісці насустрач, хоць я прасіла, каб мне дазволілі аформіць дзіця ў садок №59.  

Сябра БСДП (Грамады) юрыст Віталь Нагорны адзначыў, што з такою справаю ў суд не звернешся, але скаргі пісаць і адстойваць свае правы варта:

- Я напісаў скаргу на імя кіраўніка адміністрацыі Маскоўскага раёна на дзеянні і аддзела народнай адукацыі, і на дзеянні загадчыцы дзіцячага садка №59, якая раней абяцала, што дзяўчынку возьмуць у садок. Трэба скардзіцца, бо гэта не падведамна суду.

У адміністрацыі дзіцячага садка №59 патлумачылі, што сітуацыю без дазволу кіраўніцтва яны каментаваць не будуць. А кіраўніцтва, з іх словаў, можа з’явіцца толькі ў панядзелак.

Беларускае , Берасце

Источник: Белорусская социал-демократическая партия (Грамада)

  Обсудить новость на Форуме