08:00 14.10.2015 | Все новости раздела "Белорусская социал-демократическая партия (Грамада)"

ЯЗЭПУ ПАЛУБЯТКУ – 60

Сёння спаўняецца 60 год сябру Цэнтральнага Камітэта Беларускай сацыял-дэмакратычнай партыі (Грамады) Іосіфу Палубятку.

Выпускнік фізічнага факультэта Беларускага дзяржаўнага універсітэта, інжынер Іосіф Палубятка – самы сапраўдны ветэран партыі. У шэрагі сацыял-дэмакратаў ён уступіў на Устаноўчым з’ездзе Грамады 2 сакавіка 1991 года.

Таварышы і добрыя знаёмцы завуць сацыял-дэмакрата Палубятку Язэпам. Менавіта як Язэп Палубятка знаёмы ён і чытачам беларускай перыёдыкі, бо неаднакроць выступаў у ёй з празаічнымі творамі. І быў уганараваны прэміяй прэстыжнага часопіса “Крыніца”.

Прэзідыум БСДП пасылае Язэпу Язэпавічу ў гэты дзень самае шчырае віншаванне і зычыць яму моцнага здароўя, працоўнага настрою і аптымізму.

* * *

P.S. Рэдакцыя сайта прыхільнікаў БСДП далучаецца да гэтых віншаванняў і зычэнняў старому сябру!

Источник: Белорусская социал-демократическая партия (Грамада)