00:30 12.01.2014 | Все новости раздела "Белорусская социал-демократическая партия (Грамада)"
Хто з апазыцыйных лідэраў пойдзе ў дэпутаты
12 студзеня ў кампаніі па правядзеньні мясцовых выбараў наступае новы этап — вылучэньне кандыдатаў у дэпутаты. Карэспандэнт Свабоды Уладзімер Глод высьвятляў, ці будуць вылучацца на мясцовых выбарах лідэры апазыцыйных палітычных партыяў.
Сакратар Цэнтральнай выбарчай камісіі Мікалай Лазавік сказаў Свабодзе:
«Вылучэньне кандыдатаў у дэпутаты пачынаецца за 70 дзён і заканчваецца за 40 дзён давыбараў. Гэта значыць з 12 студзеня па 10 лютага. На маю думку, гэта найбольш адказны этап для кандыдатаў у дэпутаты».
Найбольшую колькасьць вылучэнцаў рыхтуе партыя «Справядлівы сьвет». Яе лідэр Сяргей Калякін сказаў Свабодзе, што ён таксама будзе балятавацца:
Сяргей Калякін«Магу сказаць дакладна: асабіста Калякін будзе ўдзельнічаць у выбарах у гарадзкі савет Менску. З намесьнікамі сытуацыя складаецца па-рознаму. Я ведаю, з розных прычынаў ня будуць удзельнічаць Лашкевіч і Елісееў. Па астатніх трох ёсьць пытаньні. Мы не прымалі яшчэ рашэньня. Хоць у нас ёсьць агульная рэкамэндацыя для ўсіх сябраў партыі, каб яны разглядзелі магчымасьць свайго ўдзелу».
Партыйныя справы не дазваляюць асабіста вылучацца ў кандыдаты кіраўніцы БСДП (Грамада) Ірыне Вештард:
Ірына Вештард«У мяне так дужа працы, што няма часу займацца яшчэ і ўласнай выбарчай кампаніяй. У нас у сакавіку плянуецца партыйны з’езд. А пайсьці на выбары, то гэта ж трэба працаваць з насельніцтвам. Гэта значыць, трэба адсунуць частку партыйнай працы ад сваёй сьпіны. А ў мяне, напрыклад, першы намесьнік шчыльна заняты сыстэмай назіраньня за выбарамі. Ды і іншыя намесьнікі маюць гурбу працы. Я з задавальненьнем бы вылучылася, я ж 16 год была мясцовым дэпутатам. Але ў мяне цяпер вышэй галавы працы, і без выбараў».
Намесьнік старшыні партыі БНФ Рыгор Кастусёў паведаміў Свабодзе, што кожны з лідэраў партыі асабіста будзе вырашаць — балятавацца яму ў мясцовы савет альбо не:
Рыгор Кастусёў«На гэту тэму дужа мы не размаўлялі. Кожны прымае рашэньне сам.Таму лепш запытацца кожнага. Асабіста я пакуль вагаюся. Ня ведаю, ці мне варта ці не варта балятавацца на мясцовых выбарах пасьля ўдзелу ў прэзыдэнцкіх і парлямэнцкіх? Я прыхільнік таго, што найперш трэба дапамагаць маладым.
Але канчатковае рашэньне прымем крышку пазьней, час яшчэ ў запасе ёсьць. Хутчэй за ўсё нехта пойдзе.
Мы апошнім часам шмат займаліся вылучэньнем у камісіі, падавалі скаргі ў суды .Гэтую працу не зробіш наскокам. А зараз дапамагаем фармаваць ініцыятыўныя групы. Працэс пайшоў».
Аргкамітэт у справе стварэньня партыі БХД ачльваюць тры сустаршыні: Георгій Зьмітрук, Віталь Рымашэўскі і Павал Севярынец. Спадар Рымашэўскі распавядае:
Віталь Рымашэўскі«Што тычыцца ўдзелу ў выбарчых кампаніях у якасьці кандыдата, то ні ў мяне, ні ў Паўла Севярынца такой магчымасьці яшчэ два гады ня будзе. Мы маем судзімасьці, і цягам двух год яны яшчэ не здымаюцца. Гэта — абмежаваньне.
Што тычыцца Юры Зьмітрука, то гэта цалкам магчыма. У нас ёсьць агульная партыйная стратэгія на гэтую выбарчую кампанію. Мы маем свае мэты, і ў рамках гэтай стратэгіі магчыма ён будзе вылучацца».
У рамках сваёй стратэгіі зьбіраецца дзейнічаць падчас мясцовых выбараў і Аб’яднаная грамадзянская партыя, адзначае яе лідэр Анатоль Лябедзька:
Анатоль Лябедзька«Наша дзейнасьць прывязаная да тэрыторыі ўсёй Беларусі. Гэта, відаць, будзе наша адрозьненьне ад усіх астатніх. Мы ня будзем прывязвацца толькі да той тэрыторыі, дзе зарэгіструюцца нашыя сьпікеры. А для кіраўнікоў партыі, то тут будзе адна абавязковасьць — мы будзем даверанымі асобамі. Гэта як мінімум. А мажліва, і сьпікерамі».
Обсудить новость на Форуме