23:00 19.01.2011 | Все новости раздела "Белорусская социал-демократическая партия (Грамада)"
Генеральны сакратар Сацыялістычнага Інтэрнацыяналу СУСТРЭЎСЯ З ПРАДСТАЎНІКАМІ АПАЗІЦЫІ
Жонка кандыдата ў прэзідэнты Уладзіміра Някляева Вольга сустракалася сёння з Генеральным сакратаром Сацыялістычнага Інтэрнацыянала Луісам Аялам.
Як распавяла Вольга Някляева, сустрэча доўжыдлася амаль 2 гадзіны, апрача яе на сустрэчы прысутнічалі таксама прадстаўнікі штабоў іншых кандыдатаў у прэзідэнты.
- Я толькі што прыехала з сустрэчы з Луісам Аялам. Як я зразумела, абставіны таго, што адбылося 19 снежня, ён ведае і нават сам нам распавядаў. Ён выслухаў нас і запэўніў, што будзе рабіць усё магчымае для вызвалення затрыманых. Былі прадстаўнікі са штабу Раманчука, а таксама сацыял-дэмакраты і Багданкевіч.
Вольга Някляева адзначыла, што ведае пра сённяшнія акцыі салідарнасці, якія праходзяць і ў Мінску, і ў розных еўрапейскіх сталіцах, і выказала ўдзячнасць усім, хто прымае ў іх удзел. Вольга Някляева паведаміла, што новых лістоў ад мужа не атрымала, адвакат таксама не змагла і сёння сустрэцца з Уладзімірам Някляевым ў турме.
Валянціна Лаеўская,
Обсудить новость на Форуме