20:15 04.03.2014 | Все новости раздела "Белорусская социал-демократическая партия (Грамада)"

“Гавары праўду” і сацыял-дэмакраты правялі ў Берасці агітацыйны пікет (фота)

Раздача друкаваных матэрыялаў пра кандыдатаў у дэпутаты ад дэмакратычных сіл і “Народны рэферэндум” адбыліся ў Берасці.

Пікет актывісты кампаніі “Гавары праўду” і Беларускай сацыял-дэмакратычный партыі (Грамады) правялі каля Цэнтральнага ўнівермага.

Актывісты агітавалі за рамонт дарог, даступную адукацыю па месцы жыхарства, упарадкаванне прыдваравых тэрыторый.

Адзін з галоўных удзельнікаў пікета, кандыдат у дэпутаты Аляксандр Колесаў адзначыў, што выбары – гэта добрая магчымасць дапамагчы выбаршчыкам у вырашэнні іх праблемаў:

- На сённяшнія выбары мы ідзем у прынцыпе цэлай камандай - нас 26 кандыдатаў у дэпутаты ад Беларускай сацыял-дэмакратычнай партыі і кампаніі “Гавары праўду”. Іду са сваёй праграмай, у мяне ў прынцыпе праграма нічым не адрозніваецца ад праграмы нашай партыі. Асноўную ўвагу ў сваёй праграме я надаў упарадкаванню майго раёна, дзе побач са мной жывуць звычайныя грамадзяне - гараджане Берасця. Думаю ўвасобіць у жыццё свае мары па ўпарадкаванню Берасця.

Пікет адбыўся без запланаванага ўдзелу менскіх гасцей па прычыне пахавання народнага паэта Рыгора Барадуліна.