21:15 30.09.2011 | Все новости раздела "Белорусская социал-демократическая партия (Грамада)"

«ГАВАРЫ ПРАЎДУ!» ВІНШУЕ БРЭСЦКІХ НАСТАЎНІКАЎ З ПРАФЕСІЙНЫМ СВЯТАМ

Больш за 100 паштовак з віншаваннямі адправілі брэсцкія актывісты грамадскай кампаніі «Гавары праўду!». Паштоўкі атрымаюць поштаю настаўнікі брэсцкіх школ у сваё прафесійнае свята.

Актывіст кампаніі «Гавары праўду!» Ігар Маслоўскі лічыць, што настаўнікі выхоўваюць беларускую нацыю:

- Мы лічым, што настаўнікі – гэта вельмі паважаныя людзі, якія ўсё сваё жыццё, душу, сэрца аддаюць дзецям. А з дзяцей вырастаюць асобы, і палітыкі, і бізнесмены, і звычайныя працоўныя. Таму вельмі важна, што настаўнікі закладуць у сэрцы, у душы і ў голавы гэтых дзетак.

Як адзначае Ігар Маслоўскі, у першую чаргу трэба жадаць настаўнікам вялікіх заробкаў, паколькі аплата за такую працу ў Беларусі - мізерная.

Дзень Настаўніка ў Беларусі святкуецца штогод 1 кастрычніка.

Аліса Поль, Радыё Рацыя, Брэст

Источник: Белорусская социал-демократическая партия (Грамада)