23:15 15.11.2010 | Все новости раздела "Белорусская социал-демократическая партия (Грамада)"

ІГАР МАСЛОЎСКІ: ПАКУЛЬ РАШЭННЕ НЕ ПРЫМАЛІ

Не выключэнне, што Беларуская сацыя-дэмакратычная партыя (Грамада) правядзе паўторны з'езд з-за непрызнання з'езду арганізацыі, што адбыўся 10 кастрычніка, Міністэрствам юстыцыі.

Першы намеснік старшыні партыі Ігар Маслоўскі паведаміў нашаму радыё, што сітуацыя не выходзіць па-за рамкі і пакуль канкрэтнага рашэння няма:

- Сітуацыя ёсць de jure і de facto. Першае тое, што адбылася сесія з'езду і абранае новае кіраўніцтва, а другое тое, што Міністэрства юстыцыі не прызнала вынікаў, бо з'езд адбыўся з працэсуальнымі парушэннямі. Шмат момантаў. Безумоўна, гэта можна аспрэчваць, але мы пакуль не абмяркоўвалі.

Нагадаем, што 10 кастрычніка 2010 года БСДП "Г" правяла ў Мінску з'езд на якім старшынёй быў абраны Анатоль Сідарэвіч, які некалькімі днямі раней да з'езду заявіў аб сваім выхадзе з палітычнай структуры. Экс-старшыня партыі Анатоль Ляўковіч заявіў пад час працы з'езду, што гэтае рашэнне не законнае і будзе пададзеная скарга ў Мінюст

Зміцер Кісель,

Источник: Белорусская социал-демократическая партия (Грамада)

  Обсудить новость на Форуме