14:16 12.06.2014 | Все новости раздела "Белорусская социал-демократическая партия (Грамада)"

Эсдэкі Беларусі хочуць выключыць "Справядлівую Расію" з Сацінтэрна

З такой ініцыятывай выступіла Беларуская сацыял-дэмакратычная партыя (Грамада).

Прычынай называецца тое, што расійская партыя цалкам падтрымала імперыялістычную палітыку рэжыму Пуціна і расійскага алігархічнага капіталу.

У заяве, якую кіраўніцтва БСДП выслала ў Сацыялістычны інтэрнацыянал гаворыцца, што "Справядлівая Расія" бравіруе сваёй прыналежнасцю да Сацінтэрна і, такім чынам, наносіць шкоду яго аўтарытэту.

Грамада не можа ставіць пытанне аб выключэнні расійскай партыі з Сацінтэрна, бо не з'яўляецца яе паўнапраўным членам. Аднак беларуская партыя вырашыла выказацца наконт "Справядлівай Расіі" ў сувязі з яе пазіцыяй наконт украінскіх падзеяў.

Акрамя таго, БСДП прапануе Сацінтэрну правесці наступнае пасяджэнне Камітэта для краін СНД, Каўказа і басейна Чорнага мора ва Украіне. Прысвяціць яго прапануецца рэцыдывам шавінізму і імперыялізму на постсавецкай прасторы. Са свайго боку беларускія сацыял-дэмакраты гатовыя падаць даклад на гэтую тэму.

Фота — russiancouncil.ru