15:00 03.06.2014 | Все новости раздела "Белорусская социал-демократическая партия (Грамада)"

Еўразійскі саюз: крок наперад ці пагроза суверэнітэту?

Беларусь, Расея і Казахстан аб’ядналіся ў Еўразійскі саюз. Аляксандр Лукашэнка прыняў такое палітычнае рашэнне самастойна, без абмеркавання на ўроўні краіны.

Так на думку старшыні Берасцескай абласной арганізацыі Беларускай Сацыял-дэмакратычнай партыі (Грамада) Ігара Маслоўскага - гэта можа азначаць страту суверэнітэту для Беларусі.

- Наша развіццё будзе адбывацца на ўсходнім накірунку, а не на заходнім. Гэта азначае, што мы аб’ядноўваемся і супрацоўнічаем не з высокаразвітымі краінамі, а з краінамі, якім самім патрэбныя інвестыцыі і высокія тэхналогіі.

Старшыня Берасцейскай гарадской арганізацыі партыі левых “Справядлівы свет” Людміла Дзенісенка перакананая, што для Беларусі такі саюз будзе мець сваю карысць.

- Падпісанне Еўразійскага саюзу эканамічнага – крок наперад для рашэння тых праблемаў, якія стаяць перад Беларуссю - рынак і збыт, бо апошнім часам у нас з’явілася адмоўнае сальда па збыце. А гэты рынак прадугледжвае вялікія зніжкі пры перасячэнні нашых тавараў праз мяжу.

Да канца гэтага году да эканамічнай арганізацыі плануюць яшчэ далучыцца Арменія і Кыргызстан. Еўразійскі саюз – гэта ў першую чаргу эканамічны, і ўскосна палітычны саюз постсавецкіх краінаў.

Источник: Белорусская социал-демократическая партия (Грамада)

  Обсудить новость на Форуме