04:30 15.07.2022 | Все новости раздела "Белорусская социал-демократическая партия (Грамада)"

Еўраскептцызм: ці трэба Беларусі ў ЕС?

Македонія нагадвае Беларусь. Палякі лічаць нашу краіну сваімі “ўсходнімі крэсамі”, а Расія — окраіной. Македонію сваёй доўга лічылі і лічаць балгары і лічылі сербы. Маршал Ціто даў Македоніі статус рэспублікі ў федэратыўнай Югаславіі. І сербы збольшага прымірыліся. У 1967 г. македонцы заявілі аб праве сваёй царквы на аўтакефалію. І сербы нарэшце змірыліся і з гэтым, але Балгарыя…


Сябры Прэзідыума БСДП маглі прачытаць, якія перашкоды тварыла Грэцыя на шляху ў НАТО Македоніі. Гістарычная Македонія падзеленая на тры часткі: уласна Македонію са сталіцай у Скоп’е (Македонія Вардарская), Эгейская з цэнтрам у Салуні (Салоніках, Грэцыя) і Пірынская ( Пірынскі край у Балгарыі).


Грэкі дамагліся, каб Македонія стала называцца Паўночнай Македоніяй. І яна пайшла на саступку дзеля членства ў НАТО. (Галоўная пгроза Македоніі -- Албанія і Косава, населенае албанцамі.)


Цяпер Балгарыя пагражае перагарадзіць дарогу Македоніі ў ЕС. Яна замахваецца нават на аўтэнтычнасць македонскай мовы.


Справа ў тым, што балгары прысвоілі славянскіх асветнікаў, стваральнікаў славянскай кніжнай (стараславянскай, царкоўнаславянскай) мовы, перакладчыкаў Бібліі Кірылу і Мяфодзія, хоць паходзілі гэтыя асветнікі з Салуні. Прысвоілі і мову Кірыла і Мяфодзія, хоць гэта мова салунскіх славян. Сваім яны абвясцілі і старажытны Охрыд. Але рэч у тым, што Охрыд знаходзіцца на тэрыторыі гістарычнай Македоніі (цяперашаняй Паўночнай Македоніі). І паплечнік Кірыла і Мяфодзія, святы Клімент Охрыдскі, якога балгары таксама прысвоілі, паходзіць адтуль. Там была свая аўтакефальная Царква, юрысдыкцыя якой распаўсюджвалася і на частку Балгарыі. Аўтакефалія Охрыдскай архіепіскапіі адноўлена сёлета. І згоду на аднаўленне аўтакефаліі пасля 55 год супраціўлення дала Сербская Царква. Само


Балгары натварылі міфаў і цяпер не могуць ад іх адмовіцца, прызнаць, што мова Кірыла і Мяфодзія, мова Клімента Охрыдскага — не балгарская. У лепшым разе яна кніжная стараславянская, царкоўнаславянская.


(Асабісты ўспамін. Не забуду, як адна балгарка, перакладаючы Караткевіча, напаролася на словы “іх же імена Ты, Гоподі, весі” і пыталася ў мяне, што гэтае “весі” азначае. Гэта на мове Кірыла і Мяфодзія, кананічны тэкст. І мне давялося тлумачыць гэтай праваслаўнай (!) балгарцы, што “весі” – значыць “ведаеш” (ад ведеті – ведаць; параўнайце польскае “ведзець”). Вось так з балгарскасцю мовы Кірыла і Мяфодзія.)


Пры ўступленні Македоніі ў НАТО балгары маўчалі, бо на іх, пэўна цыкнуў Вашынгтон. А ў ЕС на іх няма каму цыкнуць.


Цяпер змадэлюем. Беларусь незалежная, дэмакратычная. Які будзе яе герб? Ці не Пагоня? І вось нашы еўралюбы захочуць у ЕС (там смачныя булкі). А ці не запатрабуе Літва ад Беларусі за членства ў ЕС адмовіцца ад Пагоні? Яна ж лічыць Пагоню сваім гербам, хоць у самой Літве многія хацелі зрабіць гербам жамойцкага чорнага мядзведзя з белым ашыйнікам. Ці адмовімся мы ад Пагоні дзеля членства ў ЕС?


Можна, вядома, тлумачыць, што наша Пагоня, адрозніваецца ад іхняй. У іх кабыла, а ў нас — жарабец, і яго “срамное место” прыкрыта гунькай. Маюцца яшчэ адрозененні. Але ці не ўпруцца летувісы, як цяпер упёрліся балгары? Цяжка адмаўляцца ад міфаў.

Источник: Белорусская социал-демократическая партия (Грамада)

  Обсудить новость на Форуме