09:45 04.06.2010 | Все новости раздела "Белорусская социал-демократическая партия (Грамада)"

Дзяржаве не патрэбныя

У паўднёвых раёнах Брэсцкай вобласці на Піншчыне і Століншчыне пачынаецца самы напружаны сезон звязаны з гароднінай. З кожным годам насельніцтву усё цяжэй рэалізоўваць вырашчаныя на ўласным падворку гуркі ды памідоры. Дзяржава змест закупу якаснай і чыстай гародніны ў сваіх грамадзянаў скупляе з Малдовы і Украіны.

Акрамя таго, што айчынныя заводы, якія вырабляюць розныя тавары з гародніны, не закупляюць яе ў прыватных асобаў, дык яшчэ ствараюцца рознага роду перашкоды для самастойнай рэалізацыі. Старшыня абласной арганізацыі сацыял-дэмакратаў Ігар Маслоўскі адзначае, што праблема вельмі турбуе насельніцтва:

- Нейкія ёсць рэчы, як пры савецкай уладзе. Ёсць пэўныя нейкія калгасы, саўгасы ў наш час ужо па іншаму называюць, але як і раней у іх укладваюць вялікія фінансавыя сродкі. Але ж людзі, якія самі займаюцца і не просяць грошаў, а на свае ж фінансы на сваіх жа ўласных падворках вырашчываюць памідоры, гуркі, насенне і іншае. Калі потым улада не стварае ўмоваў для рэалізацыі ўнутры краіны, на пераапрацоўку на нашых адпаведных заводах, то тут зусім усё не так. Мы ўсе павінны быць у роўных умовах.

На думку актывіста, такая сітуацыя паказчык таго, што ўлада не турбуецца за сваіх грамадзян.

Ян Бязручка, .

Источник: Белорусская социал-демократическая партия (Грамада)

  Обсудить новость на Форуме