15:30 18.12.2013 | Все новости раздела "Белорусская социал-демократическая партия (Грамада)"
Дэмактывісты абмеркавалі падрыхтоўку да мясцовых выбараў
У Баранавічах адбылася сустрэча мясцовага актыва кампаніі “Гавары праўду!”, арганізаваная рэгіянальнымі актывістамі кампаніі Валянцінам Лазарэнкавым і Вячаславам Болбатам.
На сустрэчы ішла размова пра падрыхтоўку да мясцовых выбараў. Таксама абмеркавалі, як спалучыць мясцовыя выбары з "Народным рэферэндумам", кажа Сяргей Вазьняк, адзін з кіраўнікоў кампаніі “Гавары праўду”:
- Людзі разглядаюць гэтую выбарчую кампанію не проста як выбарчую, а як палітычную, як магчымасць працаваць з насельніцтвам. Мы можам зрабіць кампанію мясцовых выбараў як вельмі добры старт кампаніі “Народны рэферэндум”. Кожны кандыдат, які пойдзе ад кампаніі “Гавары Праўду!”, будзе агітаваць не толькі за сябе, але і гаварыць пра нацыянальную павестку пераменаў.
Па словах Сяргея Вазьняка, важна, што гэтыя пытанні абмяркоўвалі і прадстаўнікі іншых партый, якія прысутнічалі на сустрэчы.
Обсудить новость на Форуме