11:15 31.12.2013 | Все новости раздела "Белорусская социал-демократическая партия (Грамада)"

Ці разумнейшы Лукашэнка за Пуціна?

Прэзідэнт Расеі Уладзімір Пуцін памілаваў палітычных вязняў, а ці адважыцца на такі крок кіраўнік Беларусі Аляксандр Лукашэнка?

Свае меркаванні адносна гэтага выказалі грамадскія актывісты Берасцейшчыны.

Праваабаронца Сяржук Русецкі:

- Хацелася б верыць, што Аляксандр Рыгоравіч да чэмпіянату свету па хакеі выпусціць усіх палітзняволеных, але чым ён будзе кіравацца цяжка сказаць.

Актывіст кампаніі “Гавары праўду” Валянцін Лазарэнкаў:

- Я думаю, што ў гэтым плане Пуцін разумнейшы за нашага прэзідэнта таму, што напярэдадні Сочы ён не хоча мець праблемаў. Ведаючы, што ідзе чэмпіянат свету, Лукашэнка павінен быў гэта зрабіць.

Сябра Беларускай сацыял-дэмакратычнай партыі(Грамада) Аляксандр Кузьмін:

- Палітычныя вязні застаюцца закладнікамі, я думаю, што яны будуць пакуль ён пры ўладзе.

Тым часам застаецца нямала людзей, якія нічога не ведаюць пра палітвязняў, а таксама тых, якія лічаць іх крымінальнікамі.

Беларускае Радыё Рацыя

Источник: Белорусская социал-демократическая партия (Грамада)