10:00 31.07.2009 | Все новости раздела "Белорусская социал-демократическая партия (Грамада)"

“ЦІ ДОЎГА БУДЗЕ ЛЮБОЎ АДС ДА КАМУНІСТЫЧНАЙ ПАРТЫІ?”

Агляд тэлефанаваньняў на “Свабоду” за 30 ліпеня, чацьвер (фрагмэнт).

Палітычныя дачыненьні Беларусі з Расеяй і Эўразьвязам, унутраная палітыка краіны і дзейнасьць беларускай апазыцыі — тэмы наступных тэлефанаваньнях слухачоў:

Спадарыня: “Расея і Эўразьвяз просты народ Беларусі, відаць, лічаць недзеяздольным. Адна прызначае прэзыдэнта, іншыя падбіраюць лідэра апазыцыі. Божа мой, ды адчапіцеся ад Беларусі і тыя, і другія і не перашкаджайце беларусам самім выбіраць нармальнага прэзыдэнта і лідэра апазыцыі Аб’яднаных дэмакратычных сіл Беларусі. Тыя антыапазыцыянэры ў дыялёгу з уладай у кактэйльную палачку ператварылі “Ўсходняе партнэрства” і п’юць, атрымліваючы асалоду ад таго, што адбываецца ў Беларусі”.

Ніна Ярмалінская, г. Салігорск: “Было б мэтазгодна, каб сустаршыні АДС кожны месяц давалі інфармацыю аб выкананай імі працы. Тады нашы грамадзяне ведалі б, чым яны канкрэтна займаюцца ўвесь час. Як працуюць над зьменамі ў выбарчае заканадаўства і ці доўга яшчэ будзе працягвацца іх любоў з камуністычнай партыяй”.

Слухачцы адказвае намесьнік старшыні БСДП :

“Мне вельмі сымпатычнае гэтае пытаньне. Я мяркую, што сустаршыням АДС ня шкодзіла б інфармаваць грамадзянаў Беларусі, чым яны займаюцца. На маю думку, камуністы паводле свайго вызначэньня ня могуць быць залічаныя ў дэмакраты. Калякін, нібыта, публічна ў газэце “Наша Ніва” адмовіўся ад бальшавізму. Як кажуць, дай Бог чутае бачыць”.

Шаноўныя слухачы! Нагадаем: тэлефон “Свабоды” ў Менску — 266-39-52, працуе 24 гадзіны на суткі. Нумар мабільнай сувязі для СМС-паведамленьняў: + 375 29 391 22 24. Тэлефануйце і пішыце! Дзяліцеся навінамі, выказвайце сваё стаўленьне да падзеяў у Беларусі і ў сьвеце. Мы таксама чакаем водгукаў на працу Радыё Свабода.

Галіна Абакунчык 30.07.2009 14:07

Источник: Белорусская социал-демократическая партия (Грамада)

  Обсудить новость на Форуме