12:00 25.11.2011 | Все новости раздела "Белорусская социал-демократическая партия (Грамада)"

Брэстаўчанам распавядаюць аб правах чалавека

Кожны месяц жыхароў Брэста інфармуюць пра парушэнні правоў чалавека. “Брэсцкае права” – такі бюлетэнь атрымоўваюць грамадскія арганізацыі, партыі і простыя брэстаўчане. Выдавецтвам заняўся Беларускі Хельсінскі камітэт.

Каардынатар арганізацыі па Брэстчыне Ігар Маслоўскі тлумачыць, чаму ўзнікла такая ініцыятыва:

- Мы павінны казаць людзям праўду, павінны распаўсюджваць нашу праваабарончую інфармацыю, інфармацыю пра сітуацыю са станам правоў чалавека. Галоўная наша мэта, каб парушэнняў правоў чалавека ў Брэсце і краіне было як мага менш. Каб грамадства ведала, што ў нашым горадзе парушаюцца палітычныя, грамадзянскія, сацыяльна-эканамічныя правы.

Брэстаўчане ўжо атрымалі першы нумар “Брэсцкага права”. Ігар Маслоўскі кажа, што ў хуткім часе жадаючыя змогуць атрымаць такі бюлетэнь і па пошце.

Аліса Поль, Радыё Рацыя, Брэст  

Источник: Белорусская социал-демократическая партия (Грамада)

  Обсудить новость на Форуме