19:15 26.03.2012 | Все новости раздела "Белорусская социал-демократическая партия (Грамада)"
Брэст "За справядлівыя выбары-2012"
Адзінаццаць палітычных і грамадскіх суб’ектаў у Брэсце прымуць удзел у рэспубліканскай кампаніі “За справядлівыя выбары-2012”.
У горадзе над Бугам было вылучана тры каардынатары кампаніі: Ігар Маслоўскі, Зміцер Шурхай і Зміцер Шыманскі. Сустаршыня кампаніі “За справядлівыя выбары – 2012” Сяргей Калякін распавёў пра неабходнасць правядзення такой кампаніі, як на рэспубліканскім узроўні, так і на рэгіянальным:
- Мы павінны дамагацца змены практыкі правядзення выбараў. Будзем наглядаць за выбарамі і фіксаваць парушэнні. Мы сёння гаворым, што выбары ў нас не з’яўляюцца свабоднымі. Але магчыма дабіцца празрыстага і чэснага падліку галасоў.
Адзін з каардынатараў “За свабодныя выбары-2012” па Брэстчыне Зміцер Шыманскі спадзяецца на плённую працу ў рэгіёне ў рамках дадзенай кампаніі:
- Для мяне самае галоўнае, што ў гэты раз прыйшло вельмі шмат прадстаўнікоў розных аргнізацый, якія будуць удзельнічаць у супольным ажыццяўленні гэтай кампаніі. Стаіць вельмі амбіцыйная задача – вылучыць назіральнікамі па Брэсцкай вобласці каля 500 чалавек. Спадзяюся, што мы гэту задачу выканаем.
Як адзначыў іншы каардынатар кампаніі “За справядлівыя выбары-2012” па Брэстчыне Зміцер Шурхай, адной з галоўных мэтаў парламенцкай кампаніі-2012 павінна стаць фіксаванне парушэнняў на выбарчых участках дзеля абвяшчэння іх у шырокіх колах.
Кампанія “За справядлівыя выбары-2012” узяла свой старт 28-га лютага гэтага года ў горадзе Мінску.Аліса Поль, Радыё Рацыя, Брэст
Обсудить новость на Форуме