22:45 22.02.2012 | Все новости раздела "Белорусская социал-демократическая партия (Грамада)"
Брэсцкую мясцовую ўладу не цікавіць забруджванне паветра
Мясцовая ўлада адказала на зварот па забруджванню паветра ў Брэсце. Замест таго, каб патлумачыць сутнасць пытання, чыноўнікі звярнулі ўвагу толькі на вырашэнне дадатковых праблемаў, што ўзніклі ў працэсе збору подпісаў сярод насельніцтва.
"Галоўнае пытанне засталося без адказу", - патлумачыла актывістка кампаніі "Гавары праўду!" Ганна Канюс:
- Гарадскі выканаўчы камітэт інфармуе, што было праведзена камісійнае абследаванне пажарнага вадаёма на Кавалёўцы, што там усё выдатна, ніякіх адхіленняў ад санітарных нормаў не выяўлена. Ліўневая каналізацыя зліваецца непасрэдна ў возера, але гэта ні на што не ўплывае, і па іх словах так і павінна быць. Што датычыць галоўнага пытання, чаму кепскія пахі распаўсюджваюцца па горадзе, аб гэтым у адказе з гарвыканкама ні слова. Мы будзем абскарджваць гэты адказ, бо нам па сутнасці не адказалі на наша галоўнае пытанне, адкуль гэтыя кепскія пахі, і калі гэта ўсё скончыцца. Будзем адслежваць сітуацыю ў тых месцах, дзе быццам бы ўсё нармальна, хаця мы ведаем, што там сур’ёзныя праблемы. Пад гэтым супольным зваротам у гарвыканкам было сабрана больш двух тысяч подпісаў.
Як падкрэсліла Ганна Канюс, не выключана, што такі адказ будзе абскарджаны ў вышэйшых інстанцыях, паколькі па сутнасці адказ на галоўнае пытанне не быў атрыманы.
У рамках кампаніі "За чыстае паветра!" актывістамі грамадскай ініцыятывы было сабрана каля 1000 подпісаў, якія былі накіраваныя ў брэсцкі гарадскі выканаўчы камітэт.
Аліса Поль, Радыё Рацыя, Брэст
Обсудить новость на Форуме