12:45 23.06.2012 | Все новости раздела "Белорусская социал-демократическая партия (Грамада)"

Брэсцкія сацыял-дэмакраты ўшанавалі загінулых у Вялікай Айчыннай вайне (Фота)

Загінуўшых у Вялікай Айчыннай вайне ўшанавалі ў Брэсцкай крэпасці. Прадстаўнікі Брэсцкай арганізацыі Беларускай сацыял-дэмаракратычнай партыі (Грамада) усклалі кветкі і запалілі знічы каля вечнага агню.

Старшыня брэсцкай абласной арганізацыі БСДП (Грамада) Ігар Маслоўскі падкрэсліў, што ўвагу гэтай гістарычнай даце актывісты надаюць штогод:

- Для нас гэта трагічны дзень у які пачалася вайна. Прайшло ўжо шмат часу, але ўсе памятаюць наступствы гэтай вайны, для нас гэта кожны трэці загінулы беларус. Мы штогод прыходзім сюды, бо менавіта ў гэтым месцы, у Брэсцкай крэпасці пачалася вайна і былі першыя ахвяры.

Ігар Маслоўскі дадаў, што кветкі - гэта знак павагі да тых, хто загінуў баронячы жыццё і свабоду.

Акцыя была прымеркаваная да трагічнай даты 22 чэрвеня - Дня памяці ахвяраў Вялікай Айчыннай вайны.
Аліса Поль, Радыё Рацыя, Брэст

Источник: Белорусская социал-демократическая партия (Грамада)

  Обсудить новость на Форуме