21:00 25.01.2013 | Все новости раздела "Белорусская социал-демократическая партия (Грамада)"
Берасцейскія грамадскія актывісты - супраць меліярацыі балот
У Берасці падпісаны зварот да прэм’ер-міністра Рэспублікі Беларусь, кіраўніка справамі прэзідэнта, міністра энергетыкі і міністра прыродных рэсурсаў і аховы навакольнага асяроддзя. Па словах аднаго з падпісантаў звароту Валянціна Лазарэнкава, у звароце людзі выступілі супраць чарговага асушэння балотаў з мэтай дабычы торфу, якое запланавана Саветам міністраў яшчэ ў чэрвені 2011 года.
Валянцін Лазарэнкаў:
- Сутнасць у тым, што балоты з’яўляюцца часткай нашага прыроднага багацця. Было меліяравана звыш паўтара мільёна гектараў. Прыкладна 50 працэнтаў балот. Але на сённяшні дзень мы ведаем, што балоты – Беларусь і Палессе – гэта лёгкія ўсёй Еўропы. У 70-ыя гады на Бярозаўшчыне людзі пад трактары клаліся, каб гэтае балота, у русле ракі Ясельды, нейкім чынам захаваць. І сёння яно застаецца нечапаным – і птушкі там жывуць, з “Чырвонай кнігі” ў тым ліку.
Зварот падпісалі каля 20 юрыдычных асоб, у тым ліку Берасцейскі абласны Свабодны прафсаюз Беларускі і Абласная арганізыцыя Беларускай сацыял-дэмакратычнай партыі (Грамада).
Ганна Васілевіч, Беларускае Радыё Рацыя http://racyja.eu
Обсудить новость на Форуме