18:00 12.05.2015 | Все новости раздела "Белорусская социал-демократическая партия (Грамада)"

Берасцейшчына напярэдадні прэзідэнцкіх выбараў

“Сітуацыя ў рэгіёнах адлюстроўвае агульны стан у апазіцыйным лагеры, але мае свае асаблівасці”, – адзначае старшыня Берасцейскай абласной суполкі Беларускай сацыял-дэмакратычнай партыі (Грамады) Ігар Маслоўскі. Паводле яго, на Берасцейшчыне ў год прэзідэнцкіх выбараў склаліся дзве асноўныя грамадска-палітычныя кааліцыі:

– Кампанія “Народны рэферэндум”, якая ў большасці сваіх сябраў падтрымала вылучыць на пасаду кандыдата ў прэзідэнты Таццяну Караткевіч. З другога боку – “Талака”, якая па Берасцейшчыне заявіла толькі пра кампанію назірання і кампанію Статкевіча.

Найбольш верагоднай датай правядзення прэзідэнцкіх выбараў у Беларусі называецца 15-га лістапада. Нядаўна старшыня Цэнтрвыбаркама Лідзія Ярмошына паведаміла, што дакладную дату выбараў агучаць у жніўні. Апазіцыя так і не дамовілася ні пра адзінага кандыдата, ні пра адзіную стратэгію на гэтую выбарчую кампанію. Адзін з кандыдатаў у прэзідэнты з 2010 года – Мікалай Статкевіч – да гэтага часу знаходзіцца ў зняволенні.

Яна Запольская, Беларускае Радыё Рацыя

Источник: Белорусская социал-демократическая партия (Грамада)

  Обсудить новость на Форуме