18:15 28.02.2011 | Все новости раздела "Белорусская социал-демократическая партия (Грамада)"

Беларуская сацыял-дэмакратычная партыя (Грамада) рыхтуецца адзначыць 20-годдзе з моманту свайго стварэння

Брэсцкі абласны камітэт партыі прапанаваў усім сябрам арганізацыі і прыхільнікам сацыял-дэмакратычнага руху, цягам 2011 года праводзіць юбілейныя мерапрыемствы – акцыі, выставы, канферэнцыі.

За мінулае стагоддзе з дзеячамі сацыял-дэмакратычнага руху звязана абвяшчэнне БНР, стварэнне Беларускага таварыства Чырвоныга Крыжа, заснаванне вядомых грамадска-палітычных выданняў.

Кіраўнік Брэсцкай абласной арганізацыі БСДП Ганна Канюс, паведаміла пра планаваныя юбілейныя мерапрыемствы:

– У сувязі з юбілеем Брэсцкі абласны камітэт БСДП звяртаецца да кіруючых органаў партыі, абласных, гарадскіх і раённых арганізацый, сябраў БСДП з прапановаю правесці шэраг мерапрыемстваў на працягу 2011 года. Гэта адкрыццё выставаў, прысвечаных гісторыі партыі на офісах арганізацыі і кватэрах актывістаў, гэта тэматычныя семінары, канферэнцыі, круглыя сталы, віктарыны, выпуск тэматычных бюлетэняў, улётак, паштовак, брашур. Адбудуцца, канешне, і сустрэчы з заснавальнікамі партыі, ушанаванне памяці адраджэнцаў партыі і перадача ў архіў дакументаў.

Адраджэнне сацыял-дэмакратычнага руху ў Беларусі пачалося ў час «перабудовы». 2 сакавіка 1991 года Міхась Ткачоў, Алег Трусаў, Мікалай Статкевіч і шэраг іншых вядомых дзеячоў стварылі сацыял-дэмакратычную партыю.

Зміцер Кісель,

Источник: Белорусская социал-демократическая партия (Грамада)

  Обсудить новость на Форуме