10:30 31.05.2011 | Все новости раздела "Белорусская социал-демократическая партия (Грамада)"

Баранавіцкія сацыя-дэмакраты падалі заяву на правядзенне 16 чэрвеня трох пікетаў

27 траўня баранавіцкія сацыя-дэмакраты падалі ў гарвыканкам заяву на правядзенне трох пікетаў, якую падпісаў старшыня мясцовай філіі БСДП Вячаслаў Болбат. У пікеце плануецца ўдзел каля 10 чалавек.

У заяве мэтаю пікетаў указваецца выказванне пратэсту ў сувязі з рэзкім паніжэннем узроўню жыцця жыхароў Беларусі ў выніку дэвальвацыі беларускага рубля, падвышэння коштаў на тавары і паслугі.

Пікеты плануецца правесці 16 чэрвеня ў трох месцах горада: 1) з 13.00 па 14.00 -- стары парк з боку вуліцы Камсамольскай 2) з 16.00 па 17.00 -- пляцоўка каля гандлёвага дому “Вясёлка” 3) ля фантана ў цэнтры горада (на фота) -- з 17.00 да 18.00.

Адказнасць за арганізацыю і правядзенне пікетаў узяў на сябе Вячаслаў Болбат.

“Праваабарончая хроніка”

Источник: Белорусская социал-демократическая партия (Грамада)

  Обсудить новость на Форуме