15:15 24.05.2015 | Все новости раздела "Белорусская социал-демократическая партия (Грамада)"

БСДП стварае “Інфармацыйную сотню” для змагання з інтэрнэт-тролямі













А таксама для самапіяру ў глабальным сеціве.

Беларуская сацыял-дэмакратычная партыя (Грамада) стварае “Інфармацыйную сотню”з ліку сваіх інтэрнэт-актывістаў. Пра новую ініцыятыву заявіў сёння першы намеснік старшыні партыі Ігар Маслоўскі падчас семінара ў Брэсце.

Паводле яго словаў, “Інфармацыйная сотня” будзе мець сеткавую структуру і ахопліваць каля 100 актывістаў. Штаб “сотні” складаецца з шасці абласных каардынатараў, каардынатара па Мінску, а таксама аднаго нацыянальнага кардынатара. У кожнай вобласці будзе дадаткова падрыхтавана мінімум 10 падобных інтэрнэт-актывістаў.

Асноўная праца “Інфармацыйнай сотні” будзе адбывацца ў сацыяльных сетках Фэйсбук, Вконтакте і Аднакласнікі, якія карыстаюцца найбольшай папулярнасцю ў Беларусі.

Да такога кроку сацыял-дэмакратаў падштурхнула актывізацыя ў інтэрнэце прарасійскіх актывістаў, прыняцце закона аб блакіроўцы інфармацыйных рэсурсаў, а таксама з’яўленне фэйкавых каментатараў, за якімі могуць хавацца супрацоўнікі беларускіх спецслужбаў.

Фота з архіву

Источник: Белорусская социал-демократическая партия (Грамада)

  Обсудить новость на Форуме