10:00 27.08.2021 | Все новости раздела "Белорусская социал-демократическая партия (Грамада)"
БСДП смуткуе з прычыны смерці Анатоля Гурыновіча
23 жніўня 2021 г. адышоў у лепшы свет адзін з заснавальнікаў Беларускай сацыял-дэмакратычнай партыі (Грамада) і Беларускага згуртавання вайскоўцаў, былы намеснік старшыні Мінскага гарадскога Савета дэпутатаў Анатоль Гурыновіч (на фота праваруч, леваруч - Лявон Дзейка).
5 верасьня 1991 года Мінскі гарадскі савет народных дэпутатаў прыняў рашэнне аб выкарыстанні ў Мінску нацыянальнай сімволікі — бела-чырвона-белага сцяга і герба «Пагоня» нароўні з дзяржаўнай сімволікай БССР, згодна з якой усе арганізацыі, дзяржаўныя i грамадскія ўстановы i жыхары атрымалі права адначасова з дзяржаўнымі сімваламі БССР выкарыстоўваць на тэрыторыі Мінска i беларускую нацыянальную сiмволiку - бела-чырвона-белы сцяг і герб "Пагоня". Дзякуючы намаганням Анатоля Гурыновіча наш нацыянальны сцяг залунаў раней над будынкам Мінскага гарадскога Савета народных дэпутатаў, чым над Домам Ураду.
БСДП выказвае шчырыя спачуванні родным і блізкім памерлага. Спачывай з мірам, дарагі таварыш...
Обсудить новость на Форуме