10:17 27.06.2010 | Все новости раздела "Белорусская социал-демократическая партия (Грамада)"

БСДП (ГРАМАДА) ЗА ПРАБЕЛАРУСКАГА КАНДЫДАТА

У нядзелю ў Мінску пройдзе паседжанне Цэнтральнага Камітэта Беларускай сацыял-дэмакратычнай партыі (Грамады), на якім будзе вызначана дата правядзення з'езду арганізацыі і, відавочна, будзе абмеркавана пытанне прэзідэнцкай кампаніі.

З'езд партыі згодна з нарматыўнымі дакументамі мусіць адбыцца не пазней за тры месяцы пасля паседжання Цэнтральнага Камітэта, а вось адносна выбарчай кампаніі ў партыі не ўсё ясна, але вядома, што кіраўніцтва абапіраецца на незалежніцкія прынцыпы. Першы намеснік старшыні Ігар Маслоўскі перакананы, што нягледзячы на ўсю сітуацыю ў Беларусі, яе грамадзяне перш за ўсё шануюць незалежнасць і таму кандыдат будзе абапірацца на гэтыя каштоўнасці:

- На сёняшні момант усе сацыялагічныя апытанні паказваюць, што абсалютная большасць у Беларусі падтрымлівае незалежнасць краіны, таму гэты кандыдат будзе абапірацца на большасць насельніцтва, а менавіта на тое насельніцтва, якое за незалежнасць. Пэўна няма зараз такіх радыкальных заяў у кандыдатаў, што яны за аднабокую палітыку. Безумоўна, што ў кожнага кандыдата могуць быць свае больш важныя накірункі.

Генеральны сакратар Беларускай сацыял-дэмакратычнай партыі "Грамада" Мячыслаў Грыб і намеснік старшыні Валер Фралоў раней заявілі аб сваіх намерах прыняць удзел у прэзідэнцкай кампаніі.
Ян Бязручка,

Источник: Белорусская социал-демократическая партия (Грамада)

  Обсудить новость на Форуме