10:16 18.01.2011 | Все новости раздела "Белорусская социал-демократическая партия (Грамада)"

БРЭСЦКІЯ АКТЫВІСТЫ ЧАКАЮЦЬ АД ЗАХАДУ РЭЗКІХ КРОКАЎ

Апошнія палітычныя падзеі ў краіне сярод дэмакратычных актывістаў выклікаюць розныя думкі, так брэсцкія сябры БСДП (Грамады)  спадзяюцца на канкрэтныя рашэнні з боку Міжнароднай супольнасці і рыхтуюцца да ліквідацыі партый.

Цягам тыдня ў горадзе над Бугам, як і па ўсёй Беларусі грымяць ператрусы і затрыманні. Сёння затрымалі чацвярых актывістаў, але выпусцілі без складання пратаколаў, працягваюцца пошукі сілавымі органамі Зміцера Шурхая.

У такіх умовах актывіст сацыл-дэмакратычнай партыі "Грамада" Леанід Талакевіч, спадзяецца на канкрэтныя крокі Захаду і ЕС:

- Тут залежыць ужо ад Еўрасаюза, ад Злучаных Штатаў, ад Расіі, што мы тут можам? Яўная нахабная хлусня і дыктатура, усё.

Ганна Канюс, старшыня Брэсцкай гарадской арганізацыі БСДП (Грамады) упэўнена, што ўсё ідзе да ліквідацый Мінюстам апазіцыйных структур:

- Мінюсту далі загад ліквідаваць усе партыі, якія прымалі ўдзел на плошчы, гэта атрымоўваецца і сябры партый. Будучыня партый, канечне, вельмі і вельмі цмяная на тэрыторыі Беларусі. Галоўнае не здавацца, галоўнае быць салідарнымі.

Актывісты з Брэста працягваюць збіраць дапамогу рэпрэсаваным паплечнікам, сябрам партыі і руху, заклікаюць гараджан да праяўлення салідарнасці.
.

Источник: Белорусская социал-демократическая партия (Грамада)

  Обсудить новость на Форуме