17:00 12.10.2011 | Все новости раздела "Белорусская социал-демократическая партия (Грамада)"

БЕЛАРУСКАЯ САЦЫЯЛ-ДЭМАКРАТЫЧНАЯ ПАРТЫЯ (ГРАМАДА) НАКІРАВАЛА Ў МІНІСТЭРСТВА ЮСТЫЦЫІ ЗВАРОТ

 Міністэрства юстыцыі
Рэспублікі Беларусь

Пасля сустрэчы, якая адбылася ў Міністэрстве юстыцыі 29 верасня 2011 года і абмеркавання сітуацыі, якая склалася ў партыі, і з улікам выказаных прапаноў з боку кіраўніцтва Мінюста, сярод сяброў і структур БСДП праведзена шырокае абмеркаванне.

Адзначаем, што ў сваёй дзейнасці Беларуская сацыял-дэмакратычная партыя (Грамада) цвёрда прытрымліваецца артыкулаў Статута БСДП і яго патрабанняў, дзе запісана, што ўсе кіруючыя і кантрольныя органы партыі з’яўляюцца выбарнымі. На дадзены момант законна абранымі і дзеючымі з’яўляюцца 4 абласныя камітэты і Мінскі гарадскі камітэт. Таму, пры ўзнікненні неабходнасці правядзення яшчэ аднага паўторнага 13 з’езду БСДП, права вылучаць прадстаўнікоў у склад арганізацыйнага камітэта па правядзенню З’езду, вызначаць колькасць сябраў аргкамітэту, маюць права абласныя структуры партыі.

Усе сябры партыі маюць права, гарантаванае Статутам БСДП, выбіраць і быць абранымі ва ўсе кіруючыя органы партыі, маюць права ўдзельнічаць у іх працы, паседжанні праходзяць адкрыта і галосна, уносіць прапановы і  прапаноўваць сваю кандыдатуру на любую пасаду ў партыі.

Гэтымі дэмакратычнымі прынцыпамі ў сваёй дзейнасці кіравалася і кіруецца БСДП.

Беларуская сацыял-дэмакратычная партыя (Грамада) дзейнічае ў адпаведнасці з Канстытуцыяй Рэспублікі Беларусь, Законам Рэспублікі Беларусь “Аб палітычных партыях”, іншымі актамі заканадаўства Рэспублікі Беларусь, Праграмай і Статутам БСДП.

Ад Беларускай сацыял-дэмакратычнай партыі (Грамады)                         І. З. Вештард

Источник: Белорусская социал-демократическая партия (Грамада)

  Обсудить новость на Форуме