20:31 17.04.2010 | Все новости раздела "Белорусская социал-демократическая партия (Грамада)"

БАРЫС БАТУРА І БАГДАН БАРУСЭВІЧ

Старшыня Савета Рэспублікі Нацыянальнага сходу Беларусі (нешта накшталт сенату) Барыс Батура едзе ў Польшчу, каб узяць удзел у пахаванні прэзідэнта Леха Качынскага.

З гледзішча польскіх парламентароў Нацсход Беларусі – нелегітымны орган улады. Ці памяняўся пункт гледжання польскіх парламенатроў, пакажа тое, хто будзе апекавацца спадаром Батурам у Варшаве і Кракаве: сенатары, супрацоўнікі апарату Сенату Рэспублікі Польшча ці супрацоўнікі МЗС. Ці ўдзеліць свайму калегу колькі хваілін увагі маршалак Сенату Багдан Барусэвіч (Bogdan Borusewicz)?

Чакаю, што на гэты конт паведамяць нам Аляксей Дзікавіцкі і Зміцер Гурневіч.

Ёсць у мяне смутная здагадка, што ў Польшчу паляцеў бы і самы галоўны ў Беларусі. Паляцеў бы, калі б яго запрасіў маршалак Сэйму, в. а. прэзідэнта Браніслаў Камароўскі. Але ж пахаванне – не вяселле. На пахаванне не запрашаюць.

Сваёй паездкай у Варшаву і Кракаў Лукашэнка мог бы даць сігнал для перазагрузкі беларуска-польскіх адносінаў. Не даў.
Анатоль Сідарэвіч

Источник: Белорусская социал-демократическая партия (Грамада)

  Обсудить новость на Форуме