18:00 30.09.2010 | Все новости раздела "Белорусская социал-демократическая партия (Грамада)"

Андрэй Саннікаў і Уладзімір Някляеў гатовыя дамаўляцца

Андрэй Саннікаў і Уладзімір Някляеў гатовы дамаўляцца між сабой. Пра гэта патэнцыйныя кандыдаты паведамілі ў інтэрв’ю Радыё Рацыя.

Менавіта ў гэтых палітыкаў найбольшыя ініцыятыўныя групы па зборы подпісаў з апазіцыйных прэтэндэнтаў.

Кажа Уладзімір Някляеў:

– Безумоўна, Саннікаў сапраўды моцны прэтэндэнт. Саннікаў – сталы палітык, Саннікаў здаўна ў апазіцыйным руху. Я не бачу ніякіх перашкод для таго, каб мы з ім паразумеліся і разам выбудавалі нашы стратэгічныя планы на будучыню.

Кажа Андрэй Саннікаў:

– Мы размаўлялі і будзем яшчэ размаўляць. На гэтым этапе я лічу добра,  што пойдуць людзі да людзей і тое, што каманда Някляева будзе збіраць подпісы з прапаноўваючай альтэрнатывай, тое, што мая каманда будзе прапаноўваць выразную альтэрнатыву -– гэта добра. А потым будзем шукаць шляхі паразумення.

Пры гэтым палітыкі адзначаюць, што па некаторых пытаннях яны пакуль не маюць агульнага бачання. Андрэй Саннікаў, у прыватнасці, заўважыў, што ў іх розныя пазіцыі, што да пытання інтэграцыі Беларусі ў Еўрасаюз.

Найбольшыя шанцы з апазіцыйных кандыдатаў у гэтай выбарчай кампаніі мае лідар кампаніі “Гавары праўду” Уладзімір Някляеў. Такое меркаванне выказаў палітычны аглядальнік Паўлюк Быкоўскі:

– Зараз падобна, што рэсурсы ёсць толькі ў Некляева. Ува ўсіх астатніх іх вельмі-вельмі мала. Таму падобна, што калі і будзе адзіны кандыдат, гэта можа быць Някляеў. Можа атрымацца, што ён будзе і адзінай персонай, якая з прадстаўнікоў апазіцыі назбірае подпісы і будзе зарэгістраваная кандыдатам. Гэтага выключыць нельга, бо ў яго ёсць дастаткова вялікая ініцыятыўная група, у астатніх яны – не вельмі вялікія.

Паўлюк Быкоўскі таксама заўважыў, што практыка мінулых прэзідэнцкіх кампаній у Беларусі паказала, што ініцыятыўныя групы прэтэндэнтаў, якія налічвалі менш за 2 тыс. чалавек, не былі здольныя сабраць неабходныя для рэгістрацыі 100 тыс. подпісаў.

З апазіцыйных кандыдатаў на выбарах 2010 года найбольшую групу мае якраз Уладзімір Някляеў – з 3271 галавека, другі – Андрэй Саннікаў, у яго 2003 чалавекі.

Радыё Рацыя

Источник: Белорусская социал-демократическая партия (Грамада)

  Обсудить новость на Форуме