15:46 30.03.2016 | Все новости раздела "Белорусская социал-демократическая партия (Грамада)"
Аляксею Пяткевічу – 85
Дарагі Аляксей Міхайлавіч,
горача віншуем Вас у з 85-мі ўгодкамі з дня Вашага нараджэння.
Сын Стаўпеччыны, слаўнага Новага Свержаня, вы практычна ўсю Вашу працоўную дзейнасць звязалі з Гродзенскім дзяржаўным універсітэтам імя Янкі Купалы. У гэтай вышэйшай навучальнай установе Вы загадвалі кафедрамі беларускай літаратуры і беларускай культуры. Вам прысвоена званне прафесара.
Вы былі ў ліку тых даследчыкаў беларускай літаратуры, якія пасля ХХ з’езда КПСС пачалі пераадольваць стэрэатыпы, выпрацаваныя ў сталінскі час. У сувязі з гэтым нельга не адзначыць Вас як аднаго з аўтараў 2-га тома “Гісторыі беларускай дакастрычнікай літаратуры” (1960) і “Гісторыі беларускай літаратуры ХІХ – пачатку ХХ ст.” (1981). Вы даследавалі таксама творчасць класіка беларускай літаратуры Кузьмы Чорнага.
Нельга не адзначыць Вашу працу ў галіне літаратурнага краязнаўства, у прыватнасці Вашых даследаванняў літаратурнай гісторыі сучаснай Гродзеншчыны, беларуска-польскага памежжа.
Меўшы асабістыя кантакты з многімі выдатнымі дзеячамі культуры, у тым ліку з Зоськай Верас і Ларысай Геніюш, Вы паклапаціліся пра захаванне іх эпісталярнай спадчыны.
Як педагог і навуковы кіраўнік, Вы выхавалі не аднаго работніка на ніве айчыннай культуры.
Асабліва мы адзначаем, што цягам гадоў Вы з’яўляецеся сябрам партыі, адным з заснавальнікам якой быў Ваш аднадумца і калега ў Гродзенскім універсітэце прафесар Міхась Ткачоў.
Пасылаючы ў гэты дзень Вам сваё віншаванне, мы, Вашы таварышы, жадаем Вам, дарагі Аляксей Міхайлавіч, добрага здароўя і бадзёрага творчага настрою .
Прэзідыум
Беларускай сацыял-дэмакратычнай
партыі (Грамады).
30 сакавіка 2016 г.
Источник: Белорусская социал-демократическая партия (Грамада)
Обсудить новость на Форуме
13 октября 2024
« | Октябрь 2024 |
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 |