03:15 18.10.2021 | Все новости раздела "Белорусская социал-демократическая партия (Грамада)"
Адкрылася выстава да 100-годдзя Віленскага беларускага музея імя Івана Луцкевіча
Выставачны праект, прысвечаны 100-годдзю Віленскага беларускага музея імя Івана Луцкевіча, запрацаваў у Нацыянальным мастацкім музеі.
Сто год таму Іван Луцкевіч перадаў сваю ўласную калекцыю старажытнасцей Беларускаму навуковаму таварыству ў Вільні — так і пачаўся першы беларускі нацыянальны музей.
Ён існаваў з 1921 па 1945 год, пасля калекцыі падзялілі паміж Беларуссю і Літвой. Найбольшая і самая каштоўная частка музейных рэчаў засталася ў Літве, у Беларусь патрапілі прадметы, якія, на думку ліквідацыйнай камісіі, мелі непасрэднае дачынне да нашай культуры.
Цяпер усе экспанаты з беларускіх сховішчаў сабраныя ў маштабным праекце — не прапусціце. Выстава будзе працаваць да 12 снежня.
Нагадаем, што Іван Луцкевіч быў адным з заснавальнікам Беларускай Сацыялістычнай Грамады, партыі, якая праіснавала з 1903 па 1918 гг. і пасля была перайменаваная ў Беларускую сацыял-дэмакратычную партыю (1918-1924 гг.).
Обсудить новость на Форуме