11:16 24.10.2011 | Все новости раздела "Белорусская социал-демократическая партия (Грамада)"
Адбылася другая канферэнцыя жанчын БСДП
Канферэнцыя праходзіла 22-23 кастрычніка пад Мінскам. У ёй удзельнічалі больш за 30 чалавек. Сярод удзельнікаў канферэнцыі былі таксама і мужчыны.
На канферэнцыі жанчыны з розных рэгіёнаў Беларусі абменьваліся сваім вопытам, распрацоўвалі цэнтральны мэсыдж (пасланне) жанчын БСДП, рабілі SWOT-аналіз а таксама абмяркоўвалі планы на будучыню.
Як адзначыла каардынатарка жаночага праекта “Жанчыны БСДП у дзеянні” Марына Гундар жанчыны ў БСДП працуюць даволі актыўна і зараз працягваецца падрыхтоўка да стварэння жаночага крыла партыі.
У адрозненні ад іншых палітычных партый праца з жанчынамі ў Грамадзе ідзе не намінальна, а рэальна. Гэта бачаць як міжнародныя арганізацыі, так і іншыя палітычныя партыі. Калі кажуць пра жанчын, якія працуюць над адстойваннем жаночых інтарэсаў у краіне, то адразу кажуць пра нашу партыю, - гаворыць Марына Гундар.
“Такія канферэнцыі збліжаюць людзей. Робяць больш зразумелымі ўзаемаадносіны, даюць магчымасць падзяліцца думкамі. Вялікую ролю адыгрываюць нефармальныя зносіны, якія адбываюцца па-за межамі афіцыйнай праграмы канферэнцыі. Партыі трэба пашыраць жаночыя шэрагі, прыцягваць новых сяброў. Праз актыўную дзейнасць памнажаць нашу вядомасць. Лічу, што канферэнцыя – гэта добрая пляцоўка для абмена вопытам, думкамі і падтрымкі адзін аднаго”, - гаворыць лідар Беларускай сацыял-дэмакратычнай партыі Ірына Вештард.
Арганізатары канферэнцыі адзначаюць, што такія мерапрыемствы будуць працягвацца і надалей. У будучым яны будуць больш масавымі. Акрамя гэтага актыўная праца ў рэгіёнах будзе працягвацца.
Обсудить новость на Форуме