17:45 08.12.2010 | Все новости раздела "Белорусская социал-демократическая партия (Грамада)"

АНТОН ЛУЦКЕВІЧ. ДА ГІСТОРЫІ БЕЛАРУСКАГА РУХУ. Новая кніга з сэрыі "Кнігі ARCHE"

Антон Луцкевіч. Да гісторыі беларускага руху. - Беласток: Беларускае гістарычнае таварыства; Вільня: Інстытут беларусістыкі, 2010. - 342 стар.

У 2003 годзе накладам 300 асобнікаў была надрукаваная кніга Антона Луцкевіча (29.01.1884—23.03.1942) “Да гісторыі беларускага руху”. Той наклад даўно разышоўся, і кніга стала маладаступнаю. За сем гадоў, што прайшлі ад таго часу, як кніга выйшла ў сьвет, узбагацілася наша веданьне і гісторыі гэтага руху, і творчае спадчыны Антона Луцкевіча, і яго ролі ў гэтым руху. Таму чытачам прапануецца ня проста другое, а дапоўненае і папраўленае выданьне зборніка “Да гісторыі беларускага руху”. Кніга мае загаловак “Да гісторыі беларускага руху”, таму што тэксты, зьмешчаныя ў ёй, — гэта падрыхтоўчы матэрыял для тых, хто некалі возьмецца і напіша фундамэнтальную гісторыю барацьбы за вызваленьне беларускага народу ад сацыяльнага, нацыянальнага, палітычнага і духоўнага ўціску. Уласна кажучы, уся творчасьць Антона Луцкевіча зьяўляецца як бы дзёньнікам гэтае барацьбы, самым жывым яе сьведчаньнем.
Анатоль Сідарэвіч. З прадмовы да выданьня.

СА ЗЬМЕСТАМ КНІГІ МОЖНА АЗНАЁМІЦЦА

Источник: Белорусская социал-демократическая партия (Грамада)

  Обсудить новость на Форуме