04:45 13.08.2010 | Все новости раздела "Белорусская социал-демократическая партия (Грамада)"

АЛЕГ ВОЛЧАК: НЕ БЫЛО НІЯКІХ ПАДСТАВАЎ ТАК ЗАТРЫМЛІВАЦЬ БАШУРУ

“Затрыманне актывіста кампаніі “Гавары праўду” Міхася Башуры безумоўна палітычнае”, – лічыць праваабаронца Алег Волчак. 

І магчыма зробленае з мэтай прапанаваць расказаць інфармацыю пра кампанію “Гавары праўду” і яе лідара Уладзіміра Някляева ўзамен на закрыццё крымінальнай справы, паводле якой Башуру вінавацяць у парушэнні 380-га артыкулу — «падробка, выраб, выкарыстанне альбо збыт падробленых дакументаў, штапмаў, пячатак і бланкаў». Яго вінавацяць у падробцы даведкі для крэдыту.

- Не было аператыўнай следчай неабходнасці затрымліваць яго перад выходнымі днямі, так позна, у такіх дэтэктыўных умовах - нехта прыйшоў пагрукаў у дзверы, давайце пройдзем. Звычайна, калі хочуць чалавека арыштаваць, дык афіцыйна запрашаюць, паведамляюць, побяць гэта па-чалавечаму. Звычайна так затрымліваюць людзей якія хаваюцца, або плануюць здзейсніць шэраг іншых злачынстваў. А ў гэтым выпадку Башура нідзе не хаваўся. Таму гэтае затрыманне выклікае падазрэнні. На маю думку, тут можа быць такі разлік: ты нам здаеш інфармацыю і мы справу спыняем.

У панядзелак Міхасю Башуру прад’явяць абвінавачанне, у адваротным выпадку павінны адпусціць на волю. Згодна з беларускім заканадаўствам, калі віна актывіста ў падробцы дакументаў будзе даказана, яму пагражае да двух гадоў пазбаўлення волі.

Антон Разумоўскі,

Источник: Белорусская социал-демократическая партия (Грамада)

  Обсудить новость на Форуме