22:15 16.10.2011 | Все новости раздела "Белорусская социал-демократическая партия (Грамада)"

АЛЕГ ТРУСАЎ: ГАЗЕТУ "РАНІЦА" ТРЭБА ЎРАТАВАЦЬ

Сакратарыят Таварыства беларускай мовы на чале з Алегам Трусавым прыняў заяву пад назвай "Захаваем беларускую “Раніцу”. Па загадзе чыноўнікаў спыніла сваё існаванне адзіная беларускамоўная дзіцячая газета “Раніца”.

Гэта выданне на працягу 82 гадоў несла беларускае слова ў беларускую школу, выхоўвала патрыятызм і любоў да беларускай мовы і культуры ў нашых дзетак. Не іначай як здзекам выглядае абяцанне чыноўнікаў зрабіць з “Раніцы” маленькі штомесячны дадатак да рускамоўнай газеты, чытаем у заяве. У сувязі з гэтым сябры ТБМ заклікаюць грамадзян Беларусі неадкладна звяртацца да беларускага ўрада з патрабаваннем аднавіць выхад газеты “Раніца”, адзначае старшыня ТБМ Алег Трусаў.

- Вось уявіце сабе, каб беларусы Беласточчыны закрылі «Ніву» і ваша радыё. Адразу беларускамоўны бок стаў бы горшым. Ва ўсіх пытаннях. Гэта тое ж самае. Не важна – дзяржаўная, недзяржаўная. Важна – беларускамоўная. Тым больш, што «Раніца» існуе 82 гады. Калі яна была «Піянерам Беларусі», яна выхавала тысячы беларускіх патрыётаў. Я сам там колькі разоў друкаваўся. Была даволі лаяльнай, у параўнанні са «Звяздой» і іншымі газетамі. Наклад даходзіў да 200 тысяч экземпляраў. «Піянер Беларусі» выхаваў і Гілевіча, і Бураўкіна, і Караткевіча, і ўсіх астатніх нашых пасляваенных пісьменнікаў.

Алег Трусаў прапануе ўсім слухачам Радыё Рацыя зацікаўленым, каб адзінае беларускамоўнае выданне для дзяцей не знікла назаўсёды, пісаць беларускім уладам з просьбай не закрываць газету. Таксама па словах старшыні ТБМ, трэба будзе змагацца і за часопіс "Бярозка", які ў Беларусі можа знікнуць у наступным годзе.

Анатон Разумоўскі, Радыё Рацыя  

Источник: Белорусская социал-демократическая партия (Грамада)

  Обсудить новость на Форуме