У 1939 г. Нямеччына і Савецкі Саюз, Гітлер і Сталін, Рыбентроп і Молатаў дзялілі ня Польшчу, а Польскую Рэспубліку, у склад якое ўваходзілі беларускія і ўкраінскія тэрыторыі, аддадзеныя ёй Савецкаю Расіяй, якою кіравала Расійская камуністычная партыя (бальшавікоў). Аддадзеныя ў выніку польска-савецкай вайны за Беларусь і Украіну (чытайце адпаведныя кнігі Анатоля Грыцкевіча), у выніку пакту Пілсудзкага–Леніна (так нават у Польшчы называюць Рыскі трактат, падпісаны 18 сакавіка 1921 г.).Тое, што я прачытаў на самым пачатку тэксту В. Багдзевіча — не выпадковая зьява. У нас завялася кагорта палітычных палянафілаў, якія насаджваюць нашаму паспалітаму чытачу польскі punkt widzenia і польскую ідэалягему II Rzeczpospolita. Якая гэта ІІ Рэч Паспалітая, панове? Што, у 1921–1939 гг. была фэдэрацыя Польшчы і ВКЛ? Што, Заходняя Беларусь з часткай Літвы мелі ў гэтай “Рэчы Паспалітай” свой урад, сваё войска, свае фінансы? Але нашы палянафілы, не задаўшы сабе такое пытаньне, штампуюць польскую ідэалягему, якая была замацавана ў польскай жа канстытуцыі 1997 г., шматтысячнымі накладамі, абалваньваюць паспалітага беларускага чытача.Другая ісьціна — іншы раз рэакцыйныя сілы, самі таго ня хочучы, робяць прагрэсіўныя справы.
Далей чытаць мне расхацелася.
Обсудить новость на Форуме