21:01 18.03.2014 | Все новости раздела "Белорусская социал-демократическая партия (Грамада)"

20 сакавіка ў Берасці ладзіцца апошні перадвыбарчы пікет

У Берасці прадстаўнікі дэмакратычных сілаў запрашаюць узяць удзел у апошнім перадвыбарчым мерапрыемстве. 20 сакавіка ў мікрараёне Кавалёва будзе праведзены пікет. Арганізатары – сябры берасцейскай абласной арганізацыі Беларускай Сацыял-дэмакратычнай партыі (Грамады) і актывісты кампаніі “Гавары Праўду!”.

Палітык, адзін з арганізатараў пікету Ігар Маслоўскі распавёў пра яго асноўныя мэты:

- Галоўнымі тэмамі пікета мы плануем зрабіць адукацыю і ахову здароўя. У нашай перадвыбарчай праграме для ўсіх 27-і кандыдатаў ад БСДП"Г" і кампаніі “Гавары праўду” напісана, што мы будзем дамагацца будаўніцтва дзіцячых садкоў, школ і медычных устаноў у нашым горадзе - у шэрагу мікрараёнаў Берасця, у якіх маецца патрэба.

Пікет пройдзе па вуліцы Валгаградская, 1 з 16.30 да 18.00. Да ўдзелу запрашаюцца як прыхільнікі дэмакратычных пераменаў у краіне, так і ўсе ахвотныя.

Беларускае Радыё Рацыя, Берасце

Ігар Маслоўскі:

Источник: Белорусская социал-демократическая партия (Грамада)