20:45 09.02.2014 | Все новости раздела "Белорусская социал-демократическая партия (Грамада)"
10 лютага ў Берасці пройдзе заключны пікет па зборы подпісаў
У Берасці запрашаюць пакінуць подпіс за кандыдатаў у дэпутаты. Заключны пікет у рамках перыяду збору подпісаў за патэнцыйных кандыдатаў у дэпутаты мясцовыя Саветы пройдзе 10 лютага. Мерапрыемства будзе ладзіцца з 17-й да 18-й гадзіны ў цэнтры горада побач з кінатэатрам “Беларусь”.
Старшыня Берасцейскай абласной арганізацыі Беларускай Сацыял-дэмакратычнай партыі (Грамада), актывіст кампаніі “Гавары Праўду!” Ігар Маслоўскі патлумачыў асноўныя мэты такога пікету:
- Мы запрашаем усіх берасцейцаў прыйсці пазнаёміцца з нашымі патэнцыйнымі кандыдатамі, задаць пытанні, пазнаёміцца з біяграфіямі. Мы гатовыя выслухаць нашых берасцейцаў, выслухаць іх прапановы, выслухаць іх праблемы, якія будуць безумоўна ўлічаныя намі ўжо ў агітацыйнай кампаніі.
Як адзначыў Ігар Маслоўскі, у пікеце плануе прыняць удзел большасць прэтэндэнтаў у кандыдаты ў дэпутаты.
Беларускае Радыё Рацыя, Берасце
Ігар Маслоўскі :
Обсудить новость на Форуме