10:00 28.04.2018 | Все новости раздела "Белорусская социал-демократическая партия (Грамада)"
Выступ Ігара Барысава на мІтынгу 26 красавіка
Паважаная Грамада!
26 красавіка будзе на слыху яшчэ не адно стагоддзе і з гэтай датай будуць узгадваць Беларусь, як краіну, якая найбольш пацярпела ад наступстваў Чарнобыльскай катастрофы.
Для Беларусі Чарнобыль– гэта палітычнае пытанне.
Па-першае, на забруджанай тэрыторыі працягвае пражываць больш за 1 млн чалавек, а тэрыторыя забруджвання суразмерна такім краінам, як Бельгія, ці Арменія.
Па-другое, забруджаная радыёнуклідамі тэрыторыі выкарыстоўваецца для вырошчвання сельскагаспадарчай прадукцыі, якую мы з вамі вымушаныя набываць і ўжываць. Выклікае засцярогу здабыча лесу на забруджаных тэрыторыях.
Па-трэцяе, наступствы Чарнобыльскай катастрофы дагэтуль адбіваюцца на здароўі беларусаў - адразу пасля аварыі колькасць хворых на анкалогію ў краіне ўзрасла ў два разы.
Па-чацвёртае, ліквідатары наступстваў Чарнобыльскай катастрофы пазбаўлены сапраўдных ільготаў. Я скажу, што маюць чарнобыльцы ва Украіне з таго, чаго не маюць нашы ліквідатары – бясплатныя лекі па рэцэпту ўрача; бясплатнае зубапратэзаванне; штогадовыя санаторна-курортныя пуцёўкі; забеспячэнне жылой плошчай асобаў, якія маюць у гэтым патрэбу, а таксама прадастаўленне ім зямельных участкаў; 50% зніжка за карыстанне жыллём і камунальнымі паслугамі; бясплатны праезд на ўсе віды гарадскога і прыгараднага транспарту; бясплатнае забеспячэнне інвалідаў I і II групы аўтамабілямі; перадача бясплатна ў прыватную ўласнасць кватэр (дамоў) дзяржаўнага і агульна жыллёвага фонду; атрыманне бальнічнага ліста на ўвесь перыяд лячэння ў санаторыях; адзін раз на год бясплатны праезд да любога населенага пункта Украіны і назад любым відам транспарта (аўтамабіль, цягнік ці самалёт) і ншыя ільготы.
Па-пятае, Беларусі непатрэбеня яшчэ адзін Чарнобыль, які можа паставіць крыж на існаванні беларусаў як нацыі ў выпадку чарговай аварыі. Я кажу пра будаўніцтва АЭС у Астраўцы. Мірным атам бывае незаўсёды. Па-шостае, я хачу задаць пытанне кіраўніцтву Беларусі – чаму не ідзе размова пра кампенсацыю наступстваў катастрофы Расіяй, правапераемніцай СССР? Страты нанесеныя Беларусі катастрофай ацэньваюцца ў 235 мільярдаў даляраў! Вось яны танныя нафта і газ на доўгія дзесяцігоддзі! Беларуская сацыял-дэмакратычная партыя (Грамада) выступае супраць будаўніцтва атамнай станцыі, супраць выкарыстання забруджаных радыёнуклідамі сельскагаспадарчых зямель і лясоў, за вяртанне ільготаў ліквідатаарм ЧАЭС і больш актыўную работу медыкаў па выяўленні захворванняў на ранніх стадыях. Толькі так Беларусь будзе жыць.
Жыве Беларусь!
Источник: Белорусская социал-демократическая партия (Грамада)
Обсудить новость на Форуме
26 апреля 2024
« | Апрель 2024 |
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |