11:45 08.08.2018 | Все новости раздела "Белорусская социал-демократическая партия (Грамада)"
СПЫНІЦЬ ПРАВАКАЦЫІ АДНОСНА НЕЗАЛЕЖНЫХ ЖУРНАЛІСТАЎ!
СПЫНІЦЬ ПРАВАКАЦЫІ АДНОСНА НЕЗАЛЕЖНЫХ ЖУРНАЛІСТАЎ!
Заява Прэзідыума Беларускай сацыял-дэмакратычнай партыі (Грамады)
Беларуская сацыял-дэмакратычная партыя (Грамада) пратэстуе супраць затрыманняў журналістаў незалежных інфармацыйных кампаній TUT.by i БелаПАН Дзмітрыя Бобрыка, Ганны Ермачонак, Андрэя Серады, Яўгеніі Беразюк, Марыны Золатавай, Ганны Калтыгінай, Ульяны Бабаед, Галіны Ўласік і Таццяны Каравенковай, а таксама змяшчэнні некаторых з іх у ізалятар часовага ўтрымання. Мы таксама пратэстуем супраць ператрусаў у незалежных журналістаў Вольгі і Паўлюка Быкоўскіх.
Мы лічым, што прычыны вобшукаў на офісах самых буйных незалежных выданняў, а таксама кватэрах незалежных журналістаў, затрыманне некаторых з іх, а таксама зняволенне часткі журналістаў з’яўляецца нічым іншым, як праявай рэпрэсій ў дачыненні да незалежных выданняў і свабоды слова ў Беларусі, дэманстрацыяй сілы і спосабам застрашэння.
БСДП мяркуе, што падобнымі правакацыйнымі дзеяннямі наносіцца шкода іміджу Беларусі на міжнароднай арэне, развейваецца міт таго, што мы жывем у адкрытай, бяспечнай і талерантнай краіне, здатнай да дыялогу, у якой працуе закон і паважаецца плюралізм думак.
Мы перакананыя, што змяшчэнне журналістаў у ізалятар часовага ўтрымання, пераважная колькасць з якіх жанчыны, з’яўляецца вяршыняй цынізму, бо ў іх дзеяннях няма грамадскай небяспекі і ў падобных мерах не было ніякай патрэбы. Беларуская сацыял-дэмакратычная партыя (Грамада) заклікае неадкладна вызваліць журналістаў, якія ўтрымліваюцца ў ізалятары часовага ўтрымання і прадоўжыць разбіральніцтвы па фактах несанкцыяванага доступу па чужых паролях да платнага доступу БелТА цывілізавана, без гвалту і гістэрыкі.
Источник: Белорусская социал-демократическая партия (Грамада)
Обсудить новость на Форуме
26 апреля 2024
« | Апрель 2024 |
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 |